МОНГОЛЫН РОТАРИЙН ГЭР БҮЛИЙН ГИШҮҮД ЭЭ,

Монголын бүх Ротаричууд, Ротарактууд, Интерактууддаа энэ өдрийн мэндийг хүргэе.

Та бүхэн Ротарийн эрхэм зорилгыг хэрэгжүүлэхийн төлөө оюун ухаан, сэтгэл зүрх, хүч хөдөлмөрөө харамгүй зориулж, үнэ цэнэтэй хувь нэмрээ оруулсаар ирсэн билээ.

Бид нийгмийн сайн сайхны төлөө нэгэн зорилго дор нэгдэн, хамтын хүчээр илүү хүчирхэг нийгмийг цогцлоож, бүс нутагтаа төдийгүй дэлхий дахинд сайн үйлсийг түгээхийн төлөө хичээж байна.

“Өөрөөсөө давж бусдад туслах” Ротарийн зарчим нь УС, АРИУН ЦЭВЭР БА ЭРҮҮЛ АХУЙ, ЭХ, ХҮҮХДИЙН ЭРҮҮЛ МЭНД, СУУРЬ БОЛОВСРОЛ БА БИЧИГ ҮСЭГ, ЭДИЙН ЗАСАГ БОЛОН ОРОН НУТГИЙН ХӨГЖИЛ зэрэг Ротарийн тэргүүлэх чиглэлүүдийг хамарсан олон үр өгөөжтэй төсөл, хөтөлбөрөөр дамжин бодитойгоор илэрдэг. Эдгээр үйл хэрэг нь Та бүхний өгөөмөр сэтгэл, тууштай зүтгэл, эерэг өөрчлөлтөд итгэдэг итгэлийн тод илэрхийлэл юм.

Түүнчлэн миний бие өмнөх үе үеийн Бүсийн захирагчид, клубийн ерөнхийлөгчид, удирдах багийн гишүүдийн манлайлал, хувь нэмрийг энд онцлон дурдахыг хүсэж байна. Та бүхний тууштай зүтгэл өнөөгийн болон ирээдүйн Ротаричуудын урам зоригийг бадрааж, Монгол Улс болон 3450 Дүүргийн Ротарийн өсөлт бэхжилтэд үнэтэй хувь нэмэр оруулсаар байна.

Ротарийн жинхэнэ хүч гишүүдийн тоонд бус, харин тэдний сайн үйлсэд шингээсэн чин сэтгэл, хандив бүрийн цаадах итгэл, нөхөрлөлийн гараа сунгах тэр мөчид оршдог билээ. Та бүхний идэвхтэй оролцоо бол бидний хамтдаа бүтээж буй олон гайхамшгийн үндэс юм.

Та бүхний сэтгэл зүрх Ротарийн сайн үйлсийн төлөө ямагт цохилж байдагт чин сэтгэлийн талархал илэрхийлье.

“Unite for Good” — сайн сайхны төлөө нэгдэж, олон жил дэлхий дахинд итгэл найдвар, эерэг өөрчлөлт авчрахын төлөө найз нөхөд, түншийн хувиар мөр зэрэгцэн хамтран ажиллацгаая.

Хүндэтгэсэн,