НИЙСЛЭЛ РОТАРИ КЛУБ

Нийслэл Ротари Клуб нь 2002 онд Монголын 3 дахь Ротари Клуб болон үүсгэн байгуулагдаж, 2003 оны 07-р сарын 18-ны өдөр Олон Улсын Ротари байгууллагаас бүртгэлээ гардан авсан ууган Клубуудийн нэг юм. Нийслэл Ротари Клуб 2025 онд нийт 20 идэвхтэй гишүүнтэй үйл ажиллагаагаа явуулж байна. Тус Клубийн 12 гишүүн Пол Харрисийн нэрэмжит тэмдэгтэн.

Ротари үзэл санаанд үнэнч Ротаричуудтай хамтдаа Боловсролыг дэмжих, Өвчнөөс сэргийлэх, эмчлэх, Ус, эрүүл ахуй ариун цэврийг сахих, Байгаль Орчныг хамгаалах, Энхтайвныг бэхжүүлэх чиглэлээр бид монголын болон бусад Олон Улсын Ротари Клубуудтай хамтран 50 гаруй төсөл, үйл ажиллагааг амжилттай хэрэгжүүлээд байна.

Манай Клубийн өөр нэг гол чиглэл бол гишүүдээ дэмжих, багаар ажиллах, гишүүнчлэлээ өсгөх, хойч үеийн Ротари гишүүнийг сургах явдал юм.

Олон улсын хамтын ажиллагааг бэхжүүлэх.

Нийслэл Ротари Клуб нь 2004 оноос хойш Тайванийн “Тайпэй Сун Ян” Ротари Клуб (3840-р дүүрэг) болон БНСУ-ын “Ён-Ин” Ротари Клуб (3600-р дүүрэг)-тэй хамтын ажиллагаа, найрсаг харилцаатай юм.

Олон нийт ба залуучуудын оролцоо:

Нийслэл Ротари Клуб нь Хобби Ротаракт Клуб, Шинэ Эрин интеракт, UNG интеракт Клуб, Нийслэл интеракт Клубуудийг үүсгэн байгуулж Ротари хөдөлгөөн Монгол Улсад түгэн дэлгэрэхэд хувь нэмрээ оруулж байна.

Нийслэл Ротари Клубийн гишүүд бид тус Клубийн үүсгэн байгуулагч Х.Алтангэрэл (2005-2006 оны Ерөнхийлөгч), С.Болдбаатар (2006-2007 оны Ерөнхийлөгч, 2017-2018 оны 10-р бүсийн Захирагч) агсны Ротари хөдөлгөөнд оруулсан үнэлж баршгүй хувь нэмрийг хүндэтгэн дурсахын зэрэгцээ Клубийн гишүүн байсан бүх хүмүүсийн үүрэг оролцоог ямагт үнэлэн хүндэтгэж байдаг билээ.

Монгол Улсад Ротари хөдөлгөөн үүсэж хөгжсөний 30 жилийн ойг тохиолдуудан монголын нийт Ротари гишүүд, та бүхний гэр бүл, Ротари дэмжигчиддээ эрүүл энх, цаашдын ажил үйлсэд тань өндөр амжилт хүсэн ерөөе!

Байгуулагдсан огноо : 2003.07.18.

Гишүүдийн тоо : 19

Ерөнхийлөгчид :

2003-2004	Б. Ундарлаа
2004-2005	Ц. Ариунболд
2005-2006	Х. Алтангэрэл
2006-2007	С.Болдбаатар
2007-2008	Г. Цэрэнчимэг
2008-2009	Р. Эрдэнэбат
2009-2010	Ц. Уянга
2010-2011	Д.Нарантуяа
2011-2012	С.Бэкбулат
2012-2013	Х. Оюнцэцэг
2013-2014	Н. Кермен
2014-2015	Ч. Батцогт
2015-2016	Б. Буяннэмэх
2016-2017	Д. Нямсүрэн
2017-2018	Д. Дамдиндорж
2018-2019	Л. Амгалан
2019-2020	Г. Хулан
2020-2021	Т. Баярмаа
2021-2022	Г. Эрдэнэтуяа
2022-2023	Б. Жавхлан
2023-2024	Т. Уранчимэг
2024-2025	Ц. Дэлгэрням
2025-2026	С. Гантуяа

Үүсгэн байгуулсан Клубүүд:

Хобби Ротаракт Клуб
Шинэ Эрин Интеракт Клуб
UNG Интеракт Клуб
Нийслэл Интеракт Клуб

Клубийн онцлог :

Клубийн үйл ажиллагааг монгол хэл дээр явуулдаг.
Цэнгээнт бүжгийн Хобби Клуб.
Нийслэл Ротари Клубийн 6 гишүүн Олон Улсын Ротарийн 3450 дүүргийн 9 & 10 бүсийн захирагчаар сонгогдон ажилласан.
Олон Улсын Ротарийн 3450 дүүргийн үйл ажиллагааны төлөвлөгөөний дэвтэр дэх мэдээллийг гурван хэл дээр буюу англи, Хятад, монгол хэл дээр хэвлүүлсэн Клуб.

Хэрэгжүүлсэн төслүүд :

Чиглэл	Төслийн тоо
Өвчнөөс сэргийлэх, эмчлэх	11
Боловсролыг дэмжих	14
Энхтайвныг бэхжүүлэх	2
Эх хүүхдийн эрүүл мэндийг хамгаалах	6
Ус, ариун цэвэр, эрүүл ахуй	16
Байгаль орчныг хамгаалах	3
Бүс нутгийн хөгжил	2
Нийт	54

Төсөв: 901,956 USD

Нийслэл Ротари Клубын нэрийн төсөл:

“Нярайн тандалт” төсөл:

Нийслэл Ротари Клубийн гишүүн, PP Ганбаатарын Эрдэнэтуяагийн санаачилга, хүчин чармайлтаар 2012 онд Монголын шинжлэх ухаан технологийн сангаас олгосон санхүүжилтээр “Newborn Screening” төслийг эхлүүлсэн.

Ротари 2016-2017 оны үйл ажиллагааны жилд бид Олон Улсын Ротари байгууллагатай хамтран GG-1527599 төслийг хэрэгжүүлж, нярайн тандалтын хоёр төрлийн тестийг албан ёсны шинжилгээний системд нэвтрүүлсэнээр 2016-2017 онд шинээр төрсөн 6000 гаруй хүүхдийг урьдчилан сэргийлэх үзлэгт хамруулж, 5 хүүхдийг нас баралт, хөгжлийн бэрхшээлээс урьдчилан сэргийлсэн.

Энэхүү төслийг амжилттай хэрэгжүүлэхэд 2019-2020, 2022 онуудын Олон Улсын Ротари давтан санхүүжилт нь төслийн тогтвортой хэрэгжилтэд хувь нэмрээ оруулсан. 2025 онд тус төслийн санхүүжилтэд Японы Ротари Клуб хамтран ажиллах саналаа ирүүлсэнийг бид баяртай хүлээн аваад байна.

“ХҮҮХДИЙН ГЭМТЭЛ, СОГОГ, ТЭДГЭЭРИЙГ ЭМЧЛЭХ, УРЬДЧИЛАН СЭРГИЙЛЭХ” ТӨСӨЛ

Нийслэл Ротари Клуб 2015 оноос хойш Гэмтэл согогийн үндэсний төвийн Хүүхдийн гэмтэл согогийн тасагтай хамтран ажиллаж байна.

2024-2025 онд Хонг-Конгийн Ротари гишүүдтэй хамтран “Хүүхдийн нурууны сколиоз өвчнөөс сэргийлэх, эмчлэх нь" төслийг хэрэгжүүлж, улмаар 40 гаруй хүүхдийг урьдчилан сэргийлэх үзлэгт хамруулж, эмчилгээний зөвлөмж, эмч, сувилагч нарыг ажлын байран дээрх сургалтанд хамрууллаа.

2025-2026 онд энэхүү төслийн зорилтыг өргөжүүлж, Монгол Улсад гэмтлийн протезийн мэргэжилтэн бэлтгэх, Гэмтлийн эмнэлгийн хүүхдийн тасгийн эмч нар болон орон нутагт ажиллаж буй гэмтлийн эмч нарыг “Хүүхдийн гэмтэл согог, засал”-ын чиглэлээр давтан сургалтанд хамруулж, хүүхдийн протез ортопедийн тоног төхөөрөмжөөр хангах чиглэлээр урт хугацааны төслийг хэрэгжүүлэхээр ажиллаж байна.

Клубийн хурал: Сар бүрийн 15, 30-ны Пүрэв гарагийн 18:30 цагт Монголын Ротарийн Мэдээллийн Төв байранд

Холбоо барих: