БАЯНЗҮРХ РОТАРИ КЛУБ

Баянзүрх Ротари Клуб нь 2017 оны 6 дугаар сарын 16-ны өдөр Улаанбаатар Ротари Клубийн охин Клуб болон байгуулагдаж 8 гишүүнтэй 8 жил үйл ажиллагаагаа явуулж байна.

Манай Клуб Ротари Олон Улсын, Дүүргийн үйл ажиллагаанд идэвхтэй оролцож, хувь нэмрээ оруулсаар ирсэн. Бид Ротари гишүүдээс суралцаж, хамтран ажиллаж, нийгэмд тогтвортой урт хугацааны үйлчилгээг үзүүлэх Клуб болохын төлөө ажиллаж байна.

Байгуулагдсан огноо: 2017.06.16
Гишүүдийн тоо: 8

Ерөнхийлөгчид:

2017-2019	Ж.Уранбилэг
2019-2020	М.Шүрэнцэцэг
2020-2021	Т.Бат-Оргил
2021-2022	Г.Батбаатар
2022-2023	О.Ёндонцоо
2023-2024	Ж.Уранбилэг
2024-2025	Г.Сумхүү

Хэрэгжүүлсэн төслүүд:

Чиглэл	Төслийн тоо	Нийт төсөв USD
Өвчнөөс сэргийлэх, эмчлэх	1	1,470
Боловсролыг дэмжих	5	20,300
Эх хүүхдийн эрүүл мэндийг хамгаалах	1	1,400
Байгаль орчныг хамгаалах	2	8,500
Нийт	9	31,670

Төслийн мэдээлэл:

Нийслэлийн 10-р цэцэрлэгийн “Электрон жаал” төсөл

Зорилтот бүлгийн хүүхдүүдийн тогтвортой хөгжил, боловсролыг дэмжих “Электрон жаал” төсөл Нийслэлийн 10-р цэцэрлэг дээр Австралийн ЭСЯ-ны Алумни Грантын дэмжлэгтэй 2024 оны 11-р сарын 18-ний өдрөөс эхлэн хэрэгжиж эхэлсэн. Төслийн хүрээнд нийт 20 хүүхэд хамрагдаж байгаа бөгөөд Портеж хөтөлбөрийн танин мэдэхүйн агуулгаар сургалтын төлөвлөлт боловсруулж, ганцаарчилсан сургалтыг явуулж байна.

Ганцаарчилсан сургалтыг хүүхдүүдийг хөгжлийн онцлогт тохируулан 1, 2, 3 дугаар түвшинд хувааж, тохирсон аргаар сургалт явуулсан. Төслийн хүрээнд нийлүүлсэн таблет дээр хүүхдүүд зурж будах, дүрс ялгах, ижил дүрсийг холбох, өнгө ялгах, тоо тоолол, амьтан эд юмс нэрлэж сурах, дүрс эвлүүлэх, зүй тогтолыг олох зэрэг тоглоомуудыг тоглож, тоглоомын аргаар сурч хөгжиж байна. Мөн хүүхдүүдийн анхаарал төвлөрөлт болон гарын булчин сайжирч байна. Мөн ухаалаг самбарыг илтгэл, уулзалтаас эхлээд анги танхим, сургалт зэрэг олон зорилгоор ашиглаж байна.

Клубийн онцлог: Англи хэл дээр үйл ажиллагаа явуулдаг

Клубийн хурал: 2 хоног бүрийн Лхагва гариг

Холбоо барих: