ЦАСТ РОТАРАКТ КЛУБ

Манай “Цаст Ротаракт” Клуб нь 2017 онд Олон Улсын Ротари байгууллагаас албан ёсны гэрчилгээгээ авч, 2024 оны байдлаар 30 гишүүнтэйгээр үйл ажиллагаагаа явуулж байна. Бид өнгөрсөн 7 жилийн хугацаанд Ротари хөдөлгөөний чиг шугамыг баримталж, нийгмийн сайн сайхны төлөө төсөл хөтөлбөр, арга хэмжээнүүдийг зохион байгуулж, залуучуудын идэвх оролцоог нэмэгдүүлэн ажиллаж байна.

Улаанбаатар Централ Ротари Клубийн “Ger For Life” төслийн нэг хэсэг болж Хүүхдийн гэрийг 2022 оны зун тохижуулсан. Тус төслийн зорилго эрүүл зөв орчинд хүүхдүүд тоглох, сурч боловсрох, харилцаа, хандлагад эергээр нөлөөлөх, танин мэдэхүйн болон сэтгэхүйг хөгжүүлэхэд тохирсон ном тоглоомоор хангах, халуун дулаан уур амьсгал бүрдүүлэх зорилготой.

“Ногоон хүлэмж” төсөл нь асрах төвийн хүүхдүүдийн хоол хүнснээсээ авч буй илчлэг, шим тэжээлийн хэмжээг нэмэгдүүлэх, зуны улиралд хүүхдүүдийг чөлөөт цагаа үр бүтээлтэй өнгөрүүлэх боломжоор хангах зорилготой юм. Төслийн эхний жилд буюу 2023 онд бид Монгол улсын хамгийн том асрамжийн төв болох “Өнөр бүл” төвийг сонгож, 6x10м хэмжээтэй зуны хүлэмжийг барьж тохижуулан хүлээлгэн өгсөн.

“Coffee Camping and Movie Night” – Ротари гэр бүлийн гишүүд болон кофе уух, агаарт кино үзэх дуртай хүн бүхэнд нээлттэй болдог Coffee Camping болон Movie Night арга хэмжээнүүдийг жил бүрийн зун, намрын улирлуудад зохион байгуулсаар ирсэн бөгөөд цаашид ч илүү сайжруулан тогтмол зохион байгуулахаар төлөвлөж байна. Энэхүү арга хэмжээнүүдээр бид зөвхөн клубийн төсөл хөтөлбөртөө санхүүжилт олохоос гадна Ротари гэр бүлийн гишүүдийг хоорондоо танилцах, хамтын ажиллагаагаа сайжруулах боломжоор хангах зорилготой ба кофены соёлын танилцуулга, киноны хэлэлцүүлэг, open mic үйл ажиллагаануудыг багтаасан байдгаараа онцлог юм.

Байгуулагдсан огноо: 2017.01.19

Гишүүдийн тоо: 30

Ерөнхийлөгчид:

2017-2018	Б. Солонго
2018-2019	Б. Солонго
2019-2020	Г. Тод-Эрдэнэ
2020-2021	Э. Баттүвшин
2021-2022	Б. Тэнгис
2022-2023	М. Энхсолонго
2024-2025	Ц. Марал